Sol-Tech is ʼn privaat, Christelike Afrikaanse beroepsopleidingskollege in Monumentpark, Pretoria wat tans ʼn vakature vir ʼn programhoof in Voertuigtegnologie (met spesialisasie in Diesel en Outo-elektries) beskikbaar het.

Om hiervoor in aanmerking te kom benodig aansoekers bewese bestuurservaring in ʼn opleidings- en onderrigomgewing. ʼn Toepaslike onderwyskwalifikasie is ʼn voorvereiste en dit sal in die aansoeker se guns tel indien hy/sy oor ʼn toepaslike ambagskwalifikasie beskik en omvattende ervaring in die praktyk of ʼn bykomende relevante tegniese N6-kwalifikasie het.

Kennis van en ondervinding in die onderrig- en opleidingsomgewing sal in die aansoeker se guns tel. Geskrewe en mondelinge bedrewenheid in Afrikaans is ʼn voorvereiste.

Verantwoordelikhede sluit algemene bestuur van administrasie, die bestuur van personeel, stelsels en prosesse, asook klasaanbieding in.

Uitstekende kommunikasie- en organiseringsvaardighede, tydbestuur, rekenaarvaardighede, die vermoë om as leier op te tree en in ʼn span saam te werk is ʼn vereiste.